17 personar døydde i trafikken i juni

Statens vegvesen melder om at 17 personar døydde i trafikken i juni, viser foreløpige ulukkestal. Mange av dei drepne køyrde sykkel eller MC, kjem det fram i ei pressemelding. – Det har vore alt for mange dødsfall i trafikken i juni, og spesielt mange ubeskytta trafikantar har omkomme, seier Guro Ranes, avdelingsdirektør for trafikktryggleik i Statens vegvesen. − Syklistar, elsparkesyklistar og MC-førarar har høg risiko for å hamne i alvorlege trafikkulukker, og det er fleire av dei ute på vegane no om sommaren.