Vegvesenet ber folk unngå å køyre

Statens vegvesen åtvarar folk mot å køyre på vegane Sør-Noreg i helga på grunn av svært kraftig vind og store nedbørsmengder. – Vurder nøye om reisa bør og kan gjennomførast, seier Svenn Egil Finden i Statens vegvesen i ei pressemelding. I nokre område er det ikkje tilrådd å ferdast på vegane. Uveret vil råke heile Sør-Noreg og kan gjere til at mange vegar kan verte stengde. Bruer og utsette vegstrekningar kan verte stengde, skriv Vegvesenet. I fjellet er det fare for snø, og folk må vere budde på dette.